Usı jıldıń 8-aprel kúni Ózbekstan mámleketlik kórkem óner hám mádeniyat institutı Nókis filialı “Mádeniyat hám kitapxana iskerligi” kafedrası tárepinen “Úsh awlad” atamasında ushrasıw keshesi shólkemlestirildi.
Ilajdi “Mádaniyat hám kitapxana iskerligi” kafedrası baslıǵı G.Saparbaeva alıp bardı. Onda Qaraqalpaqstan Respublikası Málimleme kitapxana orayı direktorı I.Sharapova hám usı oray bibliografiya bólimi baslıǵı G.Abbazova, Qaraqalpaq mámleketlik universiteti málimleme resurs orayı direktorı R.Qalmurzaeva hám jetekshi qánigesi A.Alushievlar sózge shıǵıp kitap oqıwdıń paydalı tárepleri, onıń abzallıqları haqqında keń túrde túsindirip ótti.

Sonday-aq, qánigeler “Kitapxana xabar iskerligi” tálim baǵdarı student jasları menen óz-ara pikir alısıtı hám studentler ózleriniń qızıqtırǵan sorawlarına juwaplar aldı.

ÓzMKÓMI Nókis filialı baspasóz xizmetı