SPORT

Ózbekstan mámleketlik kórkem óner hám mádeniyat institutı Nókis filialı 1-kurs er-balalar arasında sporttıń voleybol túri boyınsha jarıs bolıp ótti.

Dáslep Filial sport klub baslıǵı orınbasarı R.Berdimuratov, Filial jaslar awqamı jetekshisi J.Berdimuratov hám dekan orınbasarı D.Otarbaevlar shıǵıp sóylep, jarıs qatnasıwshılarına elimizde sport tarawın rawajlandırıwda alıp barılıp atırǵan jumıslar, sonday-aq, ruwxıy hám fizikalıq jaqtan salamat bolıp jetilisiwde sporttıń áhmiyeti haqqında atap ótti.

Bunnan soń, jarısqa start berildi. Qızǵın bellesiwlerge bay bolǵan jarısta «Muzıkalı teatr aktyorlıǵı» tálim baǵdarı 1-kurs studentleri birinshi, «Baqsıshılıq hám dástanshılıq» tálim baǵdarı 1-kurs studentleri ekinshi, al, “Estrada hám ǵalabalıq tamashalar rejissyorlıǵı” tálim baǵdarı 1-kurs studentleri úshinshi orındı jeńip alıwǵa miyasar boldı.

Ilaj sońında jeńimpazlarǵa shólkemlestiriwshiler tárepinen “Húrmet jarlıq”  tapsırıldı. 

Filial baspasóz xızmeti.