Búgin 28-may kúni “Xalıqaralıq hám jergilikli grant joybarlarına qatnasıw” boyınsha oqıw-seminarı ótkerildi. Onda Joqarı bilimlendiriw, ilim hám innovaciyalar ministri B.T.Kaipbergenov kiris sóz benen ashıp berdi. Seminarda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev, Ministrler Keńesi Baslıǵınıń Jaslar sıyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarı B.Ótemuratov sózge shıqtı hámde tiyisli taraw basshıları hám qánigelerine xalıqaralıq hám jergilikli grant joybarlarına qatnasıw házirgi kúnde jumıs iskerliginiń jaqsılanıwı, óz-ara birge islesiwdiń kóbeyiwine tiykar bolatuǵınlıǵın ayrıqsha atap ótti.

Onnan soń seminardıń Kún tártibi boyınsha den sawlıqtı saqlaw, bilimlendiriw tarawları, sociallıq, sporttı rawajlandırıw, ilim-pán, turizm, mádeniyat hám kórkem-óner tarawları boyınsha jámi 15 lektorlardıń prezentaciyaları tıńlandı. Ilajǵa Ózbekstan mámleketlik kórkem óner hám mádeniyat institutı Nókis filialınıń tiyisli wákilleri qatnastı.

Seminarda tek ǵana Nókis qalasınan emes, barlıq rayonlardan qánigeler Zoom platforması arqalı qatnaspaqta.