Ózbekstan mámleketlik kórkem óner hám mádeniyat institutı Nókis filialında filial Arxiv bólimi baslıǵı Gúlparshın Xojamuratovanıń 60 jasqa tolıwı múnásibeti menen ilaj shólkemlestirildi.

Onda filial direktorı A.Ayapov yubilyar iyesin filial professor-oqıtıwshılar menen xızmetkerleri atınan qızǵın qutlıqlap, G.Xojamuratovanıń bilimlendiriw tarawındaǵı pidayı isleri, kóp jıllıq miynet jolı haqqında jıynalǵanlarǵa atap ótti.

Onıń kóp jıllıq miynet tájiriybesi, jaslarǵa tálim-tárbiya hám ruwxıy-aǵartıwshılıq islerindegi xızmetleri Húkimetimiz tárepinen múnásip bahalanıp, «Ózbekstan Respublikası Ǵárezsizliginiń 25 jıllıq kókirek belgisi», «Qaraqalpaqstan Xalıq bilimlendiriw aǵlası» kókirek belgisi menen sıylıqlandı.

Óz gezeginde bizde G.Xojamuratovanı 60 jıllıq yubileyi menen jáne bir márte qutlıqlap, bekkem densawlıq, shańaraǵında qut-bereket hám taraw sistemasında alıp barıp atırǵan iygilikli jumıslarında tasqın-tabıslar tileymiz!

ÓzMKÓMI Nókis filialı baspasóz xızmeti.