Ózbekstan mámleketlik kórem óner hám mádeniyat institutı Nókis filialı professor-oqıtıwshıları usı jıldıń 20-may kúni Qanlıkól rayonı 1-sanlı ulıwma bilim beriw mektebinde bolıp, rayondaǵı 23 mektep oqıtıwshıları arasında “Zakawat” intellektual oyının shólkemlestirdi.

Onda jámi 22 komanda qatnasıp, jarıs jumaǵına bola siylı 1-orındı 17-mektep “Alfa” komandası iyeledi, 2-orın 19-mektep “Piramida” komandası hám 3-orındı 15-mektep “Jańa qala” komandası iyeledi. Jarıs jeńimpazlarına shólkemlestiriwshiler tárepinen estelik sawǵaları tapsırıldı.

Sonday-aq, Qanlıkól rayonındaǵı mekteplerde tálim-tárbiya procesin jaqsılaw, oqıwshılardıń bos waqıtların mazmunlı ótkeriw, kórkem ónerin, milliy mádeniyatın rawajlandırıw hám jaslardı mádeniyat hám kórkem óner tarawına baǵdarlaw, olardı Watansúyiwshilik ruwxında tárbiyalaw jolındaǵı múnásip xızmetleri ushın Filial Jaslar menen islesiw, ruwxıy hám aǵartıwshılıq bólimi metodisi T.Dawletmuratov hám “Kórkem ónertanıw” fakulteti Jaslar isleri boyinsha dekan orınbasarı D.Otarbaevlar “Húrmet jarlıǵı” menen sıylıqlandı.

ÓzMKÓMI Nókis filialı baspasóz xizmetı