Xabarıńız bar usı jıldıń 17-20-sentyabr kúnleri paytaxtımızda II Xalıqaralıq baqsıshılıq kórkem óneri festivalı bolıp ótken edi. Festival sheńberinde baqsı, jıraw hám aqınlar túrli nama hám dástanlar atkarıp, ózleriniń atqarıw sheberliklerin kórsetti. On eki mámleketten 20 dan aslam baqsı, jırawlar qatnasqan xalıqaralıq tańlawda Qaraqalpaqstan Respublikasınan úsh qatnasıwshınıń bolıwı, sonıń ishinde Ózbekstan mámleketlik kórkem óner hám mádeniyat institutı Nókis filialı «Xalıq dóretiwshiligi» kafedrası dotsenti, Qaraqalpaqstan xalıq baqsısı, «Doslıq» ordeni iyesi G.Axımbetova da qatnasıp, ekinshi orındı iyelewi jámáátimiz ushın úlken maqtanısh esaplanadı.

Búgin filial jámáát aǵzalarınıń qatnasıwında ilaj bolıp ótti. Ushırasıwda filial direktorı A.Ayapov G.Axımbetovanı tanlaw jeńimpazı bolǵanı menen jámáátimiz atınan qızǵın qutlıqlap, aldaǵı dóretiwshilik jumıslarında tabıslar tiledi.

ÓzMKÓMI Nókis filialı baspasóz xızmeti.