Búgin 6-iyul kúni Ózbekstan mámleketlik kórkem óner hám mádeniyat institutı Nókis filialı 2026-2027 oqıw jılı ushın ayrıqsha talant talap etiletuǵın bakalavriat tálim baǵdarlarına oqıwǵa qabıl etiwde abiturientlerge kásiplik (dóretiwshilik) imtixanlar baslandı.

Kásiplik (dóretiwshilik) imtixanlar usı jıl 6-iyuldan 10-iyul kúnleri aralıǵında ótkeriliwi rejelestirilgen.

Búgin tómendegi tálim baǵdarlar «Kino, televidenie hám radio ses rejissyorlıǵı», «Quwırshaq teatr aktyorlıǵı», «Dramalıq teatr rejissyorlıǵı», «Kino hám televidenie rejissyorlıǵı», «Estrada hám ǵalabalıq tamashalar rejissyorlıǵı», «Quwırshaq teatr rejissyorlıǵı» tálim baǵdarları ushın dóretiwshilik imtixan bolıp ótpekte.

Dóretiwshilik imtixanlardıń ashıq-aydın hám járiyalılıq túrde bolıp ótiwi ushın imtixan ótkeriletuǵın auditoriyalarǵa arnawlı kameralar ornatılǵan bolıp, internet tarmaǵındaǵı https://kamera.uzdsmi-nf.uz/ mánzili arqalı tuwrıdan-tuwrı baqlap barıwıńız múmkin.

Filial baspasóz xızmeti