Usı jıldıń 17-oktyabr kúni Ózbekstan mámleketlik kórkem óner hám mádeniyat institutı Nókis filialında “Diniy ekstremizm, terrorizm jáne onıń unamsız aqıbetleri” atamasında profilaktikalıq  ilaj bolıp ótti.

Ilajda Ózbekstanģa xızmet kòrsetken jaslar oqıtıwshısı, nuranıy ustaz B.Sultanov, Din isleri boyınsha komitettiń Qaraqalpaqstan Respublikası aymaqlıq basqarmasınıń qánigeleri N.Jamalov, Q.Ibragimova, Q.Nizamov hám Qaraqalpaqstan Respublikası IIM terrorizmge qarsı gúresiw basqarması bólimi baslıģı N.Tajimuratovlar miymanda boldı. Ilajdı filialdıń «Texnogen hám kórkemónertanıw» fakukteti dekan orınbasarı Q.Yakupov kiris sóz benen ashıp berdi hám basqarıp bardı. Onda filialıdıń profilaktika inspektorı, tyutorlar, dekan orınbasarları hám student-jaslar qatnastı.

Ilajda jaslardı tuwrı joldan azǵırıwģa háreket qılıp atırǵan  kúshlerge qarsı  bilim, ilmi menen qarsı gúresiw kerekligin, diniy ekstremizm hám terrorizmge qarsı gúresiw haqqında túsinikler berildi hám barlıq jaslardı mudamı sergek bolıwlarına shaqırdı. Ilaj sońında student-jaslar ózlerin qızıqtırģan sorawģa juwap aldı.