Usı jıldıń 16-aprel kúni Ózbekstan mámleketlik kórkem óner hám mádeniyat institutı Nókis filialında “Antiplagiat sistemasın qollanıw, ilimiy miynetlerge qoyılatuǵın talaplar” atamasında seminar ótkerildi. Iljaǵa bólim baslıqları, kafedralar baslıqları, professor-oqıtıwshılar, filial magistrantları hám studentleri qatnastı.

Seminarda “StrikePlagiarism” kompaniyası qánigesi Verona Bashkareva antiplagiat sisteması, onıń ilimiy miynetlerdi tekseriw funkciyaları, tekseriw kriteriyaları hám talapları, ilimiy qánige hám joqarı oqıw ornı ushın itibar qaratıw kerek bolǵan tárepleri haqqında keń túrde túsinik berdi. Sonday-aq, onlayn formatta ilimiy miynetti tekseriw basqıshları haqqında maǵlıwmatlar berdi.

Seminar dawamında qatnasıwshılar tárepinen berilgen sorawlarǵa juwaplar berilip, jańa sistemanıń áhmiyeti haqqında pikirler bildirildi.

Filial baspasóz xızmeti