Filialımız «Madeniyat iskerligi» kafedrası oqıtıwshısı Saparbaeva Gulshira Abatbaevna tárepinen ózbek tilinen qaraqalpaq tiline awdarmalanǵan Abduxalil Mavrulov hám Munisa Mavrulova avtorlıǵındaǵı «Madeniyat teoriyasi» atamasındaǵı oqıw qollanba baspadan shıǵarıldı.

Bul miynet milliy mádeniyatımızdıń teoriyalıq tiykarların túsindiriw, jaslardı watansúyiwshilik hám joqarı mánawiyat ruwxında tárbiyalaw jáne Jańa Ózbekstan sharayatında mádeniyat tarawın qalay rawajlandırıw kerekligin úyretetuǵın qollanba bolıp tabıladı.

Jańa Ózbekstanda ruwxiy nawqıran jámiyet hám kámil insandı tárbiyalawda mádeniyattıń orni hám áhmiyeti neden ibarat? Qollanbada mine, usı mámleket rawajlanıwınıń tiykarı bolǵan milliy mádeniyatınıń búgingi jaǵdayı ilimiy jaqtan taliqlanıp, onı jáne de rawajlandırıwdıń teoriyalıq hám ámeliy jolları ulıwmalastırılǵan halda kórsetip berilgen.

Qollanba mádeniyat hám kórkem óner tarawı studentleri, oqıtıwshılar hám milliy ruwxıylıq, jaslar tárbiyası hám mádeniyattanıw máselelerine qızıǵıwshı keń kitapqumarlar toparı ushın mólsherlengen.

Filial baspasóz xızmeti