Ózbekstan mámleketlik kórkem óner hám mádeniyat institutı Nókis filialında jańa 2026-2027-oqıw jılına qabıl etilgen studentler menen ruwxıy-aǵartıwshılıq jumıslardı jáne de nátiyjeli shólkemlestiriw, jaslardıń sociallıq belsendiligin arttırıw, olardı salamat dúnyaqaras hám watansúyiwshilik ruwxında tárbiyalaw maqsetinde ushırasıw shólkemlestirildi.

Ushırasıw dawamında Jaslar jetekshisi tárepinen student-jaslar menen jaqınnan tanısıw, olardıń qızıǵıwshılıqların, usınıs hám baslamaların úyreniw jáne jaslar menen nátiyjeli birge islesiwdi jolǵa qoyıw máselelerine itibar qaratıldı. Atap aytqanda, filial Jaslar awqamı baslanǵısh shólkemi hám onıń quramındaǵı koordinatorlardıń jumısı, student-jaslardıń baslamaların qollap-quwatlaw jumısları jáne jaslar ushın jaratılǵan imkaniyatlar haqqında tolıq maǵlıwmat berildi.

Sonday-aq, «Volontyorlar klubı» iskerligi, «Qalqan» jámiyetlik toparınıń iskerligi hám onıń sheńberinde ámelge asırılġan qayırqomlıq hám jámiyetlik baslamalarda qatnasıw imkaniyatları haqqında sóz etildi. Ushırasıw dawamında jumısı, onıń tiykarǵı wazıypaları, jaslar arasında huqıqbuzarlıqlardıń aldın alıw, qáwipsiz hám salamat ortalıqtı qáliplestiriwge qaratılǵan úgit-násiyat jumısları da túsindirildi.

Filial baspasóz xızmeti