Elimiz boylap keń kólemde ótkerilip atırǵan VI Respublikalıq «Kitapqumarlıq hápteligi» sheńberinde Ózbekstan mámleketlik kórkem óner hám mádeniyat institutı Nókis filialı student-jasları arasında «Zakovat» intellektuallıq oyını shólkemlestirildi.

Bul ilaj jaslardıń intellektuallıq potencialın arttırıw, kitapqumarlıq mádeniyatın asırıw, bilimge bolǵan qızıǵıwshılıǵın kúsheytiw hám logikalıq pikirlew qábiletin rawajlandırıw maqsetinde ótkerildi. Oyın dawamında qatnasıwshılar hár qıylı baǵdarlardaǵı logikalıq, ilimiy, tariyxıy hám ádebiy sorawlarǵa juwap berip, óz bilim hám operativ pikirlew qábiletlerin kórsetti.

Bul intellektuallıq oyın «Kitapqumarlıq hápteligi» sheńberindegi áhmiyetli ruwxıy-aǵartıwshılıq ilajlardan biri sıpatında studentlerde kitapqa bolǵan qızıǵıwshılıqtı jáne de arttırıwǵa xızmet etti.

Filial baspasóz xızmeti