Ózbekstan mámleketlik kórkem óner hám mádeniyat institutı Nókis filialı psixologi tárepinen student-jaslardı qollap-quwatlaw, olardıń psixologiyalıq jaǵdayınıń turaqlılıǵın támiynlew maqsetinde hár qıylı ilajlar ótkerilmekte.

Atap aytqanda, búgingi kúni filialımızdaǵı «Dramalıq kino aktyorligi» qánigeliginiń 1-kurs studentlerine ótkerilgen psixologiyalıq trening usınday ilajlardan biri boldı. Trening barısında studentler bir qatar interaktiv psixologiyalıq shınıǵıwlar hám rol-oyınlarında belsene qatnastı.

Shınıǵıwlar dawamında qatnashıwshılar ózara múnasibetlerdi turaqlı jolǵa qoyıw, ishki komplekslerdi jeńip ótiw hám jámáát ishinde óz pikirin erkin bayan etiw kónlikpelerin ámeliyatta sınap kórdi. Ayrıqsha, «Liderlik basqıshı» hám «Toparlıq tayanısh» oyın-shınıǵıwları studentlerdiń bir-birine bolǵan isenimin hám awızbirshiligin tásirli túrde ashıp berdi.

Trening juwmaǵında student-jaslar ózlerin qızıqtırǵan sorawlarǵa unamlı juwaplar alıp, ruwxıy jaqtan kóterinki kayfiyat hám úlken ámiyetke iye bolǵan psixologiyalıq kónlikpelerge iye boldı. Usı sıyaqlı ilajlar filialımızda elede dawam ettiriledi.

Filial baspasóz xızmeti